19 лютага ў каледжы пачаўся тыдзень роднай мовы. Пачаўся ён з акцыі "Далучы сваю далонь". Навучэнцы на роднай мове выказвалі шчырыя пажаданні Радзіме, сваім сябрам, блізкім і родным. Найбольш папулярнымі былі пажаданні міру, шчаслівай будучыні, росквіту і дабрабыту. Традыцыйная акцыя "Гавары са мной па-беларуску" , як заўсёды, зацікавіла навучэнцаў і прынесла задавальненне. Удзельнікі называлі беларускіх пісьменнікаў і паэтаў, успаміналі вершы, пералічвалі назвы ягад, агародніны, назвы месяцаў і дзён тыдня. У якасці прызоў атрымлівалі закладкі для кніг, на якіх размешчаны пазнавальны матэрыял аб народных прыкметах. Завяршыўся першы дзень тыдня літаратурнай віктарынай "Адгадай літаратурнага героя".